الاثنين، 16 يونيو، 2008

هل السعاده فى الحب؟؟؟

الحب
الله بحد كلمه جميييييله أوى
بتخلق سعاده لمجرد نطق حروفها
فعلا الحب أكييييد شىء جمييييييل
ولو الواحد فينا وجد الحب الصادق بجد
بيقى يا سعده يا هناه
وأنصحه كده من هذا المزنق أنه يتمسك بيه أوى أوى
بس يا ترى الحب بيخلق السعاده
؟؟؟؟
أيه السؤال الاهبل ده يا سوسو
الناس تقول عليكى أيه؟؟؟
عبيطه!!!

بس أصبروا عليا
أنا عارفه أن الحب بيخلى الواحد يعيش فى حاله مريبه من السعاده
ده غير أنه بيكون فى حاله تسبيل مستمرة
على شوية تناحه
على شويه أقبال على الحياه
الله
جميييييييييييل
أوعد يا رب أوعد
بس يا ترى الحب بيخلق لحظات سعاده
ولا بيخلق السعاده بشكل عام
طبعا مش فاهمين حاجه

يعنى ببساطه لما الواحد بيحب وبيكون نيتوه سليمه وداخل على جواز طبعا
لان عدا ذلك أنا بعتبره قله أدب وقله زوق
أااااااااااه
أحنا ناس دوغرى مش بتوع الحاجات ديه
لما بقى بنحب وبندخل بقى فى دوامه الخطوبه اللى أتفق عليها الناس انها أحسن فترة بين أى أتنين بيحبوا بعض
والاخ والاخت بيتجوزوا
يا ترى الحب بيكون موجود ولا بيخرج من الشباك زى ما بنسمع
!!!!!!!!!

الأحد، 8 يونيو، 2008

البا حثه عن السعاده



عندما أنشأت هذه المدونه

وقررت أن أبحث عن السعاده

لانى أفتقدها حقا

وفعلا بدأت فى رحله البحث

بحث وبحثت

وبحثت وحدى و بحثت معكم

ولكن

لم أعلم أنى لا أستطيع حتى البحث

فكيف أبحث عن شىء لا أعلم عنه شيئا

كيف أبحث عن شىء كل ما يربطنى به مجرد ذكريات

نعم

ذكريات

لحظات عشتها عندما كنت طفله

حتى الطفوله التى يتذكرها الانسان كلما مرت به الايام والسنين حتى يخلق لعقله لذه تذكرها

فزكرياتى أنا مع هذه الفترة لم تكن جميله مثل الكثير كم البشر

نعم

كل ما أتذكره من طفولتى منزل عااااااااالى

نسكن فيه

فى الدور التامن

وهذه العمارة بالتحديد كانت فارغه

لم يكن يسكن فيها سوانا و3 أسر أخرى

كنت كثيرا أعانى من الاحساس بالخوف

الخووووووووف الشديد

وخصوصا عندما كان أمى وأبى يضطران لتركى وحدى

وفى الليل عندما كنت أنام فى حجرتى أخر الشقه وأظل طوال الليل أبحث فى الظلام أبحث وأنا أضع يدى تحت رأسى وعيناى تجولان فى كل مكان حولى

تسمع أذنى أى صوت حتى لو كان وهم

؟؟؟؟؟

لم أذكر منها الا هذه الاشياء

فكيف أستعيدها الان حتى أخلق لنفسى لحظات من السعاده

كيف أبحث الان عن السعاده

كيف؟؟؟؟

جاوبونى

كيف أبحث عنها وأنا لا أعلم ملامحها

التى تغيرت بالطبع بمرور الزمن

وعندما عجزت عن الاستمرار فى البحث

وعجزث أصابعى عن النقش فى هذه المدونه

سألت نفسى

لماذا؟؟

لماذا توقفت؟؟

لماذا لم أستطعه البحث

وبعد كل هذه التساؤلات الى طرحتها على نفسى

وبعد تفكيييييييير طوييييييييييييييل

سمعت صوتا بداخلى يصرخ ويقووول

فاقد الشىء لا يعطيه

ولا يستطيع حتى أن يعطى قدرا منه

ولكنى أجبت على هذا الصوت وقلت

ولكنه يستطيع أن يتحدث عنه

نظرا لاشتياقه الشديد اليه

ولأكن أكبر مثل على أن هذا الكلام غير عملى

هو عدم قدرتى الان على الكتابه

أشهد الله أنى أحببتكم جميعا

وكنت أريد أن أساعدكم فى معرفه طريق لهذه السعاده التى أعلم أننا جميعا نشترك فى البحث عنها

وسعدت كثيرا بتواصلكم معى

سووووو

ورئيسه حزب الاحلام وأمل وكاميليا وسوسن وشمو نشادر وكل اللى علق على كلامى

وكل اللى قرا كلامى

بحبكم والله والله

من غير ما أشوفكم

بس

أسفه يبدو أنى خذلتكم أوى

ولكن أقسم بالله

أن هذا دون أرادتى

أسفه

الاثنين، 19 مايو، 2008

أجمل أحساس فى الكون

ياااااااااااااارب

تعرفوا أجمل كلمه وقت الشده
يااااااااااااااارب
بفضل أرددها من غير أراده
بتطلع بمنتهى السهوله يااااااااارب

عارفين أن الابتلاءات ديه مش كلها وحشه
يعنى لما الواحد مننا بيكون عنده مشكله أو شىء مضايقوه أوى
أو أُبتلى فى أى شىء
بيتولد عنده أحساس بالانكسار
الانكساااااااااار لله
والله والله والله
مافى فى الدنيا كلها أحساس أجمل من الاحساس ده
أن انت زليييييييييييل
مكسوووووووووووور
ضعييييييييييييف

بتحس بجد بطعم العبوديه
تحس أنك عبد لله
ملاكش غير ربنا
وتقول يااااااااارب أنا مليش غيرك
ياااااااااااااااااارب أنا مش شايف غيرك
تحس أنك نفسك ومنى عينك الناس ديه تختفى حالا من أودامك
وتبقى أنت وربك
بسسسسسسسسسسسسسس
عارفين
الفترة اللى فاتت كانت صعبه أوى عليا
تعرضت لموقف لا أُحسد عليه
تعبت
تعبت أوى
بس كنت ببكى بكاء لله
أتمنى أن البكاء ده لا يتوقف طول عمرى
كنت بحس بأحساس
يا سلاااااااااااااااااااااام
كنت بصلى بشكل مختلف

بتمنى أن الاذان يأذن
نفسى الامام يقول الله أكبر
كنت بحس بطعمها أوى أوى
فى عز ما أنا تعبانه الاقى صوت عالى بيقول
الله أكبر
الله أكبر
لا أله ألأ الله
كنت بلاقى شىء جوايا بيقول صدقت
الله أكبر من أى مشكله عندى

وكنت بتمنى أن كل اللى فى البيت يناموا
عشان أقعد مع ربنا لوحدى
أحكيلوه همى
أقولوه يااااارب أنا تعبانه
يا رب أنا تعبانه أوى ياااااااااااارب أنا مليش غيرك
وكنت بقضى الليل مع ربى
كنت بعد ما بأقيم الليل وأنا ببكى لله وبدعيه أنه يصبرنى على أبتلائى
وبناجيه
وما أحلى مناجاة الله سبحانه وتعالى
كنت بعد كده بنام وبحس براحه عمرى عمرى ما حسيتها


أحاسيس مهما وصفتها مش ممكن أقدر أوصلهالكوا الا لو جربتوها بنفسكوا
كنت بسمع أبتهالات جميله فيها كلام جميل أوى أوى
كنت بسمع أبتهال أسموه
غفرانك اللهم جل علاك
ممكن تدخلوا على الرابط ده وتسمعوه



الدعاء من خلفية فيلم (لي لي) لسماع الدعاء من هنا

والله والله مش حتندموا خااااااااالص
وأحلى جزء فيه لما بيقول

أن كان حظى فى الحياة قليلُها
فالصبرُ يا مولاى فيه رضاك
ماحيلتى والعجزُ غايةُ قوتى
فأذا قضيت َ فمن يردُ قضاكَ

مع أنها كانت أيام صعبه
بس أنا أستمتعت فى عبادتى لله
فى خلوتى مع الله
ياااااااااارب
أشهدك أنى أُحبك
وأن أجمل لحظات حياتى قضيتها فى قيام ليلك
ومناجاتك
يا رب أذقنى حلاوة الايمان
يا رب لا تحرمنيها ياااارب

يا ريت تكونوا جربتوا الاحساس ده
لانوا بجد أجمل أحساس فى الكوووووون


السبت، 3 مايو، 2008

هل السعاده فى الزواج ؟؟؟؟Part 2


أحم أحم
الهدوء شويه يا حضرات
حااااااااااااضر حاااااااااااااااااااضر
أدينا بندور

نكمل بقى الموضوع اللى فتحناه ونمشى مع بعض فى رحله البحث عن السعاده
على الله يمكن نقدر نلاقيها

كنا بنقول أيه؟؟؟؟؟
أااااااااااااااااااه

البت مروة أتجوزت
الحمد لله تخلصت من شبح العنوسة
وبقت تصحى بالليل تلاق
ى راجل طول بعرض نايم جنبها
وخلاص أيديها الشمال بقت فيها دبله زى ما كان نفسها
ولبست بقى فستان فرح وسمعتلها كام زغروته
والفرقه الشعبيه المهلبيه جت وطبلتلها وزمرتلها
والراجل أبو زمارة اللى خدوده بتتنفخ وعروقه بتتطلع من كل حته فى وشه
جه بذات نفسه الكريمه وزمرلها
وأ
ستقلت بحياتها وعاشت فى بيت لوحدها
مملكتها الخااااااااااااااااااصه
طيب لحد كده سليم
تعالو بقى نسأل الاخت الحبيبه الغاليه مروة
بعد مرور شهرين على الجواز
مبسوطه يا مر
مر؟؟؟؟؟؟؟؟؟؟؟؟؟

جااااااااااااااااااااااااااااااااااااااااااااااااااااااااااااااااااااااااااااااااى
أنا أيه اللى عملته فى نفسى ده؟؟؟؟؟ ما أنا كنت قاعده
كان مالى ؟؟؟؟؟؟كنت واكله, شاربه, نايمه
ماما بتدلعنى وبابا مهنينى
أنا بقى :بس بس بس بس
أيه يا بنتى مالك؟؟؟
ما أنتى كنتى كويسه؟؟
وكان نفسك و منى عينك تتجوزى وكنتى بتحقدى على البت نهى والبت سوسن أصحابك
أيه اللى جرى ؟؟؟؟؟؟؟
مرمر:طبيخ وغسيل ومكوا وشغل
كل ده على دماغى لوحدى
والبيه بييجى من شغله ميمدش أيده فى حاجه
أدخل أنا وهوة مع بعض من باب الشقه بعد يوم عمل ما يعلم بيه ألا الله
اللى يتأمر عليك واللى يديكى خزوق يطلع من قفالك
واللى يخدمك خدمه العمر عند المدير
وأدخل من باب الشقه وهوة شايفنى لسه داخله
يسألنى بكل بجاحه ويقوللى فين الغدا؟؟؟؟؟؟
روح يا شيخ منك لله
ربنا هوة المنتقم بيسلط أبدان على أبدان
أقوله طيب قوم ساعدنى
يقوللى أنااااااااااااااا؟؟؟؟؟؟
ليه ؟؟
دا أنا عمرى ما مديت أيدى فى حاجه عند مامتشى
ولا حتى أعرف المطبخ ده بيروحوله منين
وبعد خناقه طويله عريضه
أخرج فيها بكام شتيمه على كام كلمه توقع اللقمه من بوء الطير الطاير فى أعلى السحاب
أمشى وأنا قفايا يقمر عيش على المطبخ
وبعد ما أحضر الاكل أطفح معاه وهوة مدينى البوز التمام
وأقوم زى ....... !!!ألم المواعين وأنجر على المطبخ أغسلهم
وبعدين أشوف باقى شغل الشقه
وأجى على الساعه 9 أكون فصلت شحن
أترمى على السرير وأصحى الصبح ألبس وأروح على الطابونه اللى بتتطحن فيها شغل زى الحمارة
وهلوم جر
ده غير أن أخوات المحروس اللى كل كام يوم ييجوا ويسهروا ويا كلوا ويشربوا وبعدين يدونى كلمه
يفقعولى بيها مرارتى ومقدرش أفتح بقى واشتكى
ولا الهااااااااااااااااااااااااااااااااااانم الكبيرة
أم المحروس
اللى زى ما أكون مرات أبوها مش مرات أبنها
كل يوم يقعدوا يتودودوا فى التليفون بالساعات
والاقيه بعد المكالمه أتقلب عليا
منك لله يا شيخه روووووووحى
دا أنتى عندك بنات زيى
سدق اللى قال
الحما حومه وأخت الجوز العقربه السامه
وماسكلى بقى كام كلمه عاملين زى الاسطوانه المشروخه
أنتى نكديه
أنتى بتنكوشى على النكد بمونكاش
أنتى تنكدى على بلد بزيها
أنا بقى :بس بس بس بس
كفايه كده أنا صدعت
يا ترى هيه ديه الحياه الزوجيه
؟؟؟؟؟؟
يااااااااااااااااااااااااااه
ده يبقى أكبر مقلب شربناه فى حياتنا
طيب والاحلام وعش العصفورة ؟؟؟؟؟؟
كل ده فيييييييييييين؟؟؟
والحب؟؟؟
لا لا لا لا لا
أكيد مش منتهى السعاده فى الجواز!!!!
أكييييييييييد
أكيييييييييد هيه فى حته تانيه غير الجواز
صحيح الجواز ضروره أجتماعيه ونفسيه وحاجات كتير أوى
بس أكيد مش هوة الشىء اللى بندور عليه
أكيييييييييييييييد
ولا أنتوا مش معايا
؟؟؟؟


الجمعة، 2 مايو، 2008

أحساس غريييييييب




أنا مش عارفه أيه الحكايه بالظبط؟؟؟؟؟؟
زى ميكون الفرح مش مكتوبلى فى الدنيا دى؟؟؟؟؟
فجأه كده بكون كويسه وفى أمان الله اللاقيى قلبى أتقبض
وعقلى قعد يودى ويجيب فى حاجات هبله
أشى تهيئات!! على خرافات!! على مخاوف!!! على هواجس!!!
أيه الحكايه بالظبط مش عارفة؟؟؟
يعنى نكون فى أيام مفترجه ورايحين نتفسح ولا رايحين عند جدتى وحنتقابل مع خلاتى وخلانى وولادهم
وبكون مبسوطه طول الاسبوع عشان اللقاء المرتقب يوم الجمعه
وأجى بقى يوم الجمعه ده اليوم اللى مستنياه
................
والاقيلكم الجنان أشتغل
فى أيه يا جدعان ؟؟؟؟أيه اللى جرى؟؟؟؟؟ ما أنا كنت كويسه وزى الفل ايه أللى
حصل؟؟؟؟
معرفففففففففففففففففففش
زى ما يكون عندى شعرة ساعه تروح وساعه تيجى
أحساس يا رب ما يحكم على حد منكم بيه
أحساس بيجننى وبيخلينى مش طايقه الدنيا
ولا طايقه بقى حد يكلمنى .....ولا يهزر معايا.......
ويخلص اليوم يا حضرات على كده!!!!!
طيب ليه يا بنتى ؟؟؟
لييييييييه النكد ده؟؟
مهو مفيش حاجه جديده حصلت عشان الاحساس ده يجينى!!!!
بس ممكن تقولوا تراكمات
بفتكر بقى البلاوى اللى أنا شفتها فى حياتى
بصوا أنا بنت عاديه جدا يعنى مليش قصص كتير زى بنات كتير تانيه
بس خدت كام صدمه كده
مدوخيننى لحد دلوقتى
وأخر صدمه ديه كانت جامده قوى قوى قوى بعيد عنكم يااااارب
بس أنا منتظرة حدث على شهر أغسطس الجاى
يا أما يطلعنى للسما يأما يهبدنى على الارض تتكسر رقبتى
بس بجد بجد بقى ديه حتكون الضربه القاضيه
هيه ديه اللى ممكن تقضى عليا خاااااااااالص
أدعولى بتيسير الامر
لانى بجد مش حقدر على الصدمه ديه
حتكووووووووووووووون
النهااااااااااااااااااااااااايه

الثلاثاء، 29 أبريل، 2008

هل السعاده فى الزواج؟؟ الجزء 1




طبعاً يعنى سؤال أهبل!!!!!
أنا عارفه بس معلش لازم نتكلم فى الموضوع ده
خدونى على قد عقلى
وتعالو نتفرج على نفسنا
يعنى البنت مننا أول ماتوصل ل 23 سنه تبدأ تحس أنها دخلت سباق مع الزمن
البت نشوى جارتى أتخطبت أمبارح البت جيهان كتب كتابها يوم الخميس الجاااى

البت سوسن البت سوسن المقرفه ديه اللى مناخيرها كبيرة اللى كانت معايا فى المدرسه أتجوزت يوم الخميس اللى فات
البت سلوى حامل فى شهرين
وتبدأ بقى تهرى وتنكت فى نفسها
ليه ولييييه العيال الهبله ديه تتجوز وانا لسه قاعده القاعده السودا ديه
وعلشان تلاقيلها مخرج من المصيبه ديه تبدأ بقى تتفحص وتتمحص كل شاب يمر أمامها
أبن خالتها أبن عمتها أبن خالت أبوها
أبن الجران
أهو أبن الحلال وخلاص
وبقى المكالمات الهاتفيه النسائيه تبتدى
مهى حرب بقى

أم شريف: الوووووو
أم مروة:أيوة مين معايا
أم شريف:أزيك يا ختى يا أم مروة عامله ايه
أم مروة: الحمد لله أنتى أزيك يختى وأزى شريف وسحر وممدوح
سحر ولدت ولا لسه
أم شريف: لا لسه الدكتور قال بقيلها 4 تيام كمان
أم مروة: ربنا يختى يقومها بالسلامه
أم شريف: أمين يا رب وأنتى أزيك يختى وازى عروستنا الحلوة
أم مروة:الحمد لله يختى شكلك كده جابالنا خبر حلو
أم شريف:حتة عريس ياأم مروة يختى أنما أيه عنده 35 سنه و مهندس فى شركه بترول وخدى عندك بقى المفجأه ديه أمه ميته
أم مروة:لالالالا متقوليليش دنتى يبقى ليكى الحلاوة لو الموضوع ده تم على خير
أم شريف: طيب أقولوا ييجى أمتى؟
أم مروة: بكرة على طوول ولا أقولك خليها بعد بكرة عشان ميقولش علينا مدلوقين
وتتم المقابله بدون الدخول فى التفاصيل البايخه أمثال الاستعداد وغيره
وطبعا العريس يطلع مكملش دبلوم صنايع وبيشتغل كهربائى فى شركه البترول ديه وشكله أستغفر الله العظيم
ومروة تاخد الكبسه اللى هيه كالعاده وترجع قفاها يأمر عيش

المهم يعنى والخلاصه فى القصص ديه نكد نكد نكد
النهارده عريس عدى الاربعين
بكرة عريس حياخد مروة ويسافر المجر ولا القطب الشمالى
وبعد بكرة عريس يتأمر علينا وعلى عيشتنا ويقول لا أصلها مش الاستايل اللى أنا عايزه
وبرضوا نكد نكد نكد
لحد ماترشق مع أدى العدى مروة وتتأهل
لولولولولولولولولولوى
مروة أتجوزت يا جدعاااااااااااااااان


يا ترى بقى مروة كده حتكون سعيده
أنها أتخلصت من شبح العنوسه اللى كان بيطلعلها كل يوم فى الضلمه ويخوفها
ويوريها شكلها فى المرايه وهيه شعرها أبيض ومنكوش ولسه أديها الشمال فاضيه مفيهاش دبله
ولا تقوم مفزوعه من النوم كل يوم والتانى على أنها نايمه لوحدها فى السرير ومفيش ولا حتى ضل راجل نايم جمبها
على العموم تابعوا الجزء التانى من
هل السعاده فى الزواج؟part 2

السبت، 26 أبريل، 2008

السعاده فى المال؟؟

ياترى السعاده فى المال؟؟
الفلوس يعنى؟؟
طبعا الفلوس ديه مهمه جدا جدا جدااااااااااا
بس يا ترى لما الواحد ممنا يكون معاه فلوس كتيييييييييييييييييييير أوى
يقدر يكون سعيييييد؟؟
ومتتسرعوش فى الرد
مش أول ما تقروا السؤال تقولوا لأ على طول
فكروا شويه
يعنى الواحد مننا لما يكون معاه فلوس يجيب بيها عربيه تريحه من المواصلات وقرفها
ولا الرجاله وجنانها
وقله الادب
ويكون معاه فلوس ياخد بيها كورسات فى مكان محترم
ولا مدام بنقول معانا فلوس يبقى نبدأ من الاول بقى
يدخل مدرسه لغات خاصه ولا مدرسه أجنبيه من اللى بيدفعلها الاااااااف فى التيرم الواحد و اليونيفورم بتاعها
تى شيرت ملون بألوان تفرح
مش مريله صفرا زرايرها من ورا شكلها يجيب أكتئاب
ويطلع الواحد ممنا بريطن كذا لغة زى اللبلب
ويقدر ياخد الكورسات اللى بنقعد نستنى لما أى جهه تتعطف علينا وتعمل منحه بأسعار مخفضه عشان نقدر ناخدها
ونطلع كده مؤهلين فعلا لسوق العمل
نقدر نقدم فى أى مكان بقلب جاااااامد
والسى فى يرفع الراس فعلا
كل ده والله محتاج كومه فلوس قد كده
ونلبس كويس وناكل كويس ونشرب كويس
ولا لما تدفع كده بقشيش والناس تحترمك أوى أوى
كل مكان تطلع ورقه بخمسين جنيه أجدع عقده فى أى مصلحه حكوميه تتحل وتمشى زى السكينه فى الحلاوة على رأى الاستاذ اللمبى
الفلووووووووووووووووووووووووووووووووووووووووووووووووس
أنا عارفه أنها مش هيه اللى حتجيب السعاده وألا مكنش حد غلب
بس هيه وسيله هاااااامه جدا جدا لتحقيق الاهداف
وبالتالى لخلق قسط ولو بسيط من السعاده
والنجاح فى الحياه