الاثنين، 16 يونيو 2008

هل السعاده فى الحب؟؟؟

الحب
الله بحد كلمه جميييييله أوى
بتخلق سعاده لمجرد نطق حروفها
فعلا الحب أكييييد شىء جمييييييل
ولو الواحد فينا وجد الحب الصادق بجد
بيقى يا سعده يا هناه
وأنصحه كده من هذا المزنق أنه يتمسك بيه أوى أوى
بس يا ترى الحب بيخلق السعاده
؟؟؟؟
أيه السؤال الاهبل ده يا سوسو
الناس تقول عليكى أيه؟؟؟
عبيطه!!!

بس أصبروا عليا
أنا عارفه أن الحب بيخلى الواحد يعيش فى حاله مريبه من السعاده
ده غير أنه بيكون فى حاله تسبيل مستمرة
على شوية تناحه
على شويه أقبال على الحياه
الله
جميييييييييييل
أوعد يا رب أوعد
بس يا ترى الحب بيخلق لحظات سعاده
ولا بيخلق السعاده بشكل عام
طبعا مش فاهمين حاجه

يعنى ببساطه لما الواحد بيحب وبيكون نيتوه سليمه وداخل على جواز طبعا
لان عدا ذلك أنا بعتبره قله أدب وقله زوق
أااااااااااه
أحنا ناس دوغرى مش بتوع الحاجات ديه
لما بقى بنحب وبندخل بقى فى دوامه الخطوبه اللى أتفق عليها الناس انها أحسن فترة بين أى أتنين بيحبوا بعض
والاخ والاخت بيتجوزوا
يا ترى الحب بيكون موجود ولا بيخرج من الشباك زى ما بنسمع
!!!!!!!!!

هناك 7 تعليقات:

ادم المصرى يقول...

السلام عليكم
.........
اهنيكى على بوستك جميل اوى

...........
الحب شيئ جميل وبيخلق كل انواع السعاده تعرفى يعنى ايه تكونى مع حبيبك وعرفى ومتأكده انو ممكن يضحى بنفسو عشانك او عرفه انو ممكن يعمل اى حاجه عشانك تضحيه الحب شيئ جميل جدا عند الاحساس به الخطوبه انا عن نفسى اجمل فتره فى الحب قبل الخطوبه وقت التعارف الاول عرفه انا اعرف ناس كتير جدا اجوزو وحبو بعد اكتر واكتر فى عوامل كتير بتعجب البنت من الشباب ذى غيره حبيبها عليها حبو الذايد ليها تفضيلو انها تكون الاوله والاخيره كل ده لما بتحسو البنت بيكون شيئ ممتع جدا بنذبا اليها سدقينى الحياه مش سعيده بدون حب صادق بين ترفين ومش هتعرفى ايمت الكلمات دى غير متحسيها بنفسك واكيد الى بيحب نيتو فى الاخر وحلم حياتو هيا الجواز بى الانسانه دى عشان يكتمل الحب بين الترفين ومفيش حاجه اسمها لو نيتو غير كدا قلت ادب اذاى افردى الزروف محكمتش والقدر موفقش خلاص تبيعو بعد وكل واحد يقول انا عملت الى عليا لا مش معاكو كسرو الدنيا اتحدو اى حد انشله لو وصلت لى الهروب مداب بتحبو بعض وعرفه انو هيسعدك وواصقه من كلامو نفزو وخطتو وتوكلو على الله واجوزو وعيشو حياه هنيه الاب واام ميعرفوش مصلحت ولدهم اد منتو عرفنها لو بتفكرو صح الحب بيخلى كل شيئ بنزبالك ليه طعم معملتك مع اصدقائك مع اهلك فى الجامعه فى المدرسه فى النت فى كل حاجه هتكونى سعيده لئنك هتكونى حسه انك مهما عملتى فيوم من الايام هتكونى مع الى اتمناه قلبك وحبتيه وبتحلمى بيه مفيش حاجه اسمها احنا ناس دوغرى اظن هتقولى قبل الخطوبه ميمسكش اديا قبل الخطوبه مفيش خروج انتى كدا هتسدى نفسو الحب هيكون ناقص اذاى انتى حبتيه وعرفه انو بيموت فيكى وبيخاف عليكى ميستهلش كل ده انك تمسكى اديه او تخرجى معاه حتى عشان تفهمو بعض تكلمو عن حيتكو تتفسحو انتى قبل كدا اتفسحتى لكن مش مع حبيبك جربى طعم الدنيا مع الى اتمناه قلبك اتمنا مكنش طوت علليكى بجد ........

وعلى فكره قوليى انتى معاكى ايه وانا هظبتك شغل هيعجبك ان شاء الله سلام عيكم

ٍSOU يقول...

اولا ان كتبت رد طويل عريض تخين سمين و الحمدلله ربنا يخلى النت و يخلى التهنيجة بتاعته.. :((
يا مسهل يا رب هحاول ارد تانى......

بصى يا بنتى بالنسبة لحكاية الخطوبة احلا مرحلة و الكلام دة -اوعى تصدقى دول بيضاحكوا علينا عشان رجلينا تقع فى الخية :)) - انا من هذا لامزنق اللى انا فية و انا مخطوبة احب اقولك لالالالالالالا يا بنتاه ..لالالالالالالالالا ..دى فترة رخمـــــــــة مالهاش لون واضح انتى لا عارفة تتعاملى بحذر بما انه لسة غريب عليكى و لا تدلقى زى الجردل و تتعاملى بعفوية و اللى بالك على لسانك عدل و كانك بتكلمى حد تعرفية من عشرتراشر سنة .. اة و ربنا ..حاجة تزهئ و كل شوى تلاقى نفسك شوى حذرة و شوية جردل لما تحسى ان عندك فصام ...سيبك بئى م الحب و الكلام اللى مابياكلش عيش دة :))

بالنسبة للنقطة اتانية الحب بعد الجواز فانا من خلال الا لا خبرة اللى عندى اكيد هاستعين بحد عنده خبرة و اصحاب الخبرة قالولى مافيش حب بعد الجواز :)) =يا فرحتىىىىى= ..فى حاجة اقوى واسمى من كدة بكتير ربنا بيلقيها فى قلب الزوج و الزوجة و بتيجى من العشرة الطيبة اسمها المودة و الرحمة (اتخضيتى مش كدة ههههههه)

انا بئة هسالك سؤال ...تفتكيرى الحب هو اللى بيولد السعادة و لا السعادة هلى اللى بتولد الحب؟؟

رئـــــيسـة حزب الأحلام يقول...

اوعدنا بااااااااااااااااارب يالحب
بدعى معاكى يااختى بصى لو شفتى حب معدى يمين ولا شمال امسكى فيه
بس ياخسارة الحب مابقاش موجود فىزمن الخونه فيه زى الهم على القلب
تحياتى لكى
ياريت تشيلى تأكيد الكلمه

دعوة للأمل يقول...

السعادة ممكن تلاقيها فى ايامك و مش فى الحب بس و مدونتك جميلة و ربنا يوفقك

ٍSOU يقول...

ياريت يقبلى التدبيسة المتواضعة دى منى : (واحد مطلع لسانه)
http://tiarawar2.blogspot.com/2008/07/blog-post_14.html#links

Soooo يقول...

انا فاكر انك كنتي بتقولي منتظره حاجه سعيده في اغطسطس

ياترى ايه الحياه عموما؟؟؟؟؟





سلامووووووووووز

مسعدة يقول...

انتى فين ياقمر